Shkollarët zhegras janë fitues të vendit tw parë në pingpong

Zhegër – Ditë më parë, ekipi sportiv i Shkollës fillore “Agim Ramadani”, në Zhegër, me paralelen e ndarë në Lladovë, zhvilluan gara në Pingpong, garë kjo e organizuar nga Shoqata e Sportit shkollor në Gjilan, ku shkollarët e fjalës në fjalë zunë vendin e parë në dy kategoritë: djem dhe vajza. Djemtë patën 12 ekipe pjesëmarrëse, kurse vajzat 5 ekipe të kësaj gare komunale. Pra, shkolla në fjalë e Zhegrës është shpallur kampione në dy kategoritë sportive të këtij sporti shkollor.

Me këtë rast, djemtë shkollarë fituan lojën e parë nga Shkolla fillore “Rexhep Elmazi” me rezultat 2:0, pastaj Shkolla fillore “Mulla Idrizi” nga Velekinca pat fitore 2:0 dhe në finale e mundën Shkollën fillore “Xhavit Ahmeti” nga Perlepnica, poashtu me rezultat 2:0.

Kurse i vajzave fituan ndaj Shkollë fillore “Aferdita” e Kishnapolës me rezultat 2:0 si dhe në finale shkoi Shkolla fillore “Vebi Ibrahimi” nga Verbica e Zhegovcit me rezultat 2:0.

Siç mësuam nga Fehmi Sherifi dhe Baki Ademi, arsimtarë, këto gara të sportistëve, vazhdojnë garat Regjionale në katër komuna tjera. “Fillimi është i mirë, shpresojmë në të ardhmen e pritur të kemi rezultate të reja. Mos të harrojmë se, edhe vitin e kaluar, sportsitët tanë kanë qenë kampion në të dy kategoritë e këtij sporti. Po ashtu, edhe drejtoria e shkollës na përkrahur të kemi rezultate të pritura nga kjo disiplinë sportive”, kanë shtuar, z. F. Sherifi e B. Ademi, arsimtarë të edukatës fizike./tefik selimi/rajonipress/