Shkolla “Nazim Hikmet” nga Dobërçani, fituese e Olimpiadës së kimisë në Gjilan

Gjilan – Shkolla “Nazim Hikmet” u radhit në mesin e shkollave me mesataren më të lartë në mesin e shkollave pjesëmarrëse në Olimpiadë. Vendin e Parë në këtë Olimpiadë e zuri nxënësja e klasës së IX-të, Blerta Kryeziu nga shkolla “Nazim Hikmet”, si dhe Artiola Abdyli, vendin e dytë nga po e njëjta shkollë.

Të premten në hapësirat e kolegjit Don Bosko në Gjilan, u zhvilluan garat në lëndën e kimisë në kuadër të Olimpiadës së Kimisë të organizuara nga Shoqata e Kimistëve të Kosovës, e cila tani më është pranuar edhe ndërkombëtarisht si dhe Drejtoria Komunale e Arsimit në Gjilan.

Koordinatori i Shoqatës së Kimistëve të Kosovës për Gjilanin z. Ilir Kastrati, në ceremoninë e shpalljes së rezultateve finale u shpreh tejet i kënaqur me mënyrën e mbarëvajtjes së procesit të Olimpiadës, duke falënderuar DKA-në dhe kolegjin Don Bosko për mbështetjen e ofruar rreth organizimit të kësaj Olimpiade.

Pjesëmarrës në Olimpiadë ishin nxënësit e klasëve të IX-ta dhe të X-ta të shkollave të komunës së Gjilanit, të cilët ishin përzgjedhur fillimisht nga garat e brendshme të organizuara në shkollat e tyre.

Shkolla “Nazim Hikmet” u radhit në mesin e shkollave me mesataren më të lartë në mesin e shkollave pjesëmarrëse në Olimpiadë.

Vendin e Parë në këtë Olimpiadë e zuri nxënësja e klasës së IX-të, Blerta Kryeziu nga shkolla “Nazim Hikmet”, si dhe Artiola Abdyli, vendin e dytë nga po e njëjta shkollë.

Në ceremoninë e shpalljes së rezultateve dhe ndarjes së shpërblimeve për nxënësit në mesin e shumë mysafirëve ishin të pranishëm edhe përfaqësuesit e DKA-së, si dhe përfaqësues nga Universiteti i Gjilanit “Kadri Zeka”, të cilët u ndanë tejet të kënaqur me mënyrën e organizimit të kësaj Olimpiade, duke falënderuar koordinatorin e Shoqatës së Kimistëve të Kosovës për Gjilan, z. Ilir Kastrati, Master i Kimisë.

Nxënësit fitues do të marrin pjesë në Olimpiadën e cila organizohet kah mesi i muajit Maj në nivel të Republikës së Kosovës ka thënë Rexhep Arifi arsimtar në shkollën “Nazim Hikmet” ./rajonipress/