Shkolla e basketbollit “KB Drita” vatër e talenteve

Gjilan – Shkolla e basketbollit KB Drita nën udhëheqjen e ish basketbollistit të dikurshëm, Agron Kurtalani, është bërë “fole” e basketbollisteve të reja.

Tani e një kohë të gjatë trajneri i basketbollit, Agron Kurtalani, me punën të cilën po e bën po dëshmon se është një pedagog i cilësisë së lart.

Në shkollën e basketbollit, KB Drita, për çdo dit edhe pse në këto temperatura tropikale mbi 50 basketbolliste të reja ushtrojnë në Palestrën Sportive “Bashkim Selishta-Petriti” në Gjilan.

“Jam shumë i nderuar që punoj me këtë kategori të vajzave, ne në asnjë moment nuk e kemi ndalur punën tonë me ushtrime dhe një falënderim të posaçëm kanë edhe basketbollistet njashtu edhe prindërit e tyre që kanë besim të madh në punën time”, shprehet trajneri Agron Kurtalani.

Kurtalani thekson se 50 vajza që nga mosha 9-15 vjeçare do të jenë një ardhmëri e basketbollit.

“Këto vajza kanë një talent të jashtëzakonshëm, edhe pse punohet në kushte shumë të vështira nuk ka dyshim se këto janë ardhmëria jo vetëm e skuadrës së Dritës por e tërë basketbollit Kosovar, me talentin e tyre këto vajza shumë shpejt do të kyçen në skuadrën e parë dhe lirisht mund të them se basketbolli i femrave në Gjilan ka një ardhmëri të mirë në një kohë shumë të afërm”, ka bërë të ditur trajneri Kurtalani.

Është mirë që dhe mase e nevojshme kjo Shkollë e basketbollit dhe këto talente të ndihmohen që nesër të ndihemi krenar me rezultatet e tyre./rajonipress/