Shkodran Mustafi nuk ka më vend tek Arsenali, shikoni se çfarë i bëjnë tifozët pas humbjes nga Barcelona

Mbrojtësi shqiptar Shkodran Mustafi është shndërruar në ‘ankthin’ e tifozëve të Arsenalit.

Qendër-mbrojtësi nga Gostivari u inkuadrua në minutat e fundit të ndeshjes në “Camp Nou” ndaj Barcelonës dhe për faj të tij, Luis Suarez shënoi golin e fitores, shkruan Zëri.info.

Tifozët e Arsenalit ishin të shqetësuar disi me Calum Chambers dhe Sokratis në mbrojtje kundër kampionit të Spanjës.

Por, kur Mustafi u inkuadrua në lojë, atëherë mllefi i tyre ishte edhe më i madh.

Dhe tashmë tifozët i janë drejtuar rrjeteve sociale për ta shprehur nervozën e tyre.

“Në mes të tjerash, Mustafi inkuadrohet dhe Arsenali pëson gol”, shkruan Alex Harrison në Twitter.

Një përdorues i Twitterit me emrin Thomas Shippey shkruan: “Sinqerisht, nuk kam parë mbrojtës më të dobët se Mustafi”.

“Mustafi duhet të largohet tani për të mirën e Arsenalit dhe të karrierës së tij”, shkruan një përdorues tjetër.

Ndryshe, Mustafi ka qenë i lidhur me një transferim në Monaco në ditët e fundit./Zëri.info