Shkencëtarët po kërkojnë çelësin e pavdekësisë

Neuroshkencëtarët janë duke u përpjekur për të gjetur çelësin e pavdekësisë, pasi është vendosur një çmim prej $100,000 për atë që mundet ta ruaj me sukses trurin e njeriut për ringjallje.

Gara e vendosur nga fondacioni “The Brain Preservation Foundation” shpreson që të zhvillojë një metodë e cila mund ta kthejë në jetë trurin e një personi pasi të vdesë.

Ky fondacion po i sfidon shkencëtarët që të fillojnë me një model të kafshëve fillimisht, dhe më pas të krijojnë një procedurë të suksesshme e cila mund të rikthejë në jetë plotësisht ose pjesërisht trurin e një personi të vdekur, transmeton Gazeta Express.

Truri duhet të jetë në gjendje që të ruhet për më shumë se 100 vjet në atë mënyrë që t’i mbajë funksionet e tij dhe të veprojë normalisht dhe me efikasitet.

Dy konkurrentë janë duke u përpjekur për ta zgjidhur këtë mister. I pari është Shawn Mikula, një shkencëtar nga Instituti për Kërkime Mjekësore Max Planck, Gjermani. I dyti është një shkencëtar nga Kalifornia.

Gjatë studimit të tyre të deritanishëm, këta dy shkencëtarë thonë se njerëzit janë pak vite larg arritjes së mundësisë për të kthyer në jetë trurin e tyre të vdekur. /Gazeta Express