Shkëlzen Gashi, më shumë gola se Tevez, Kane, Icardi, Lewandowski…
RajoniPress
19:52, 17 Maj, 2015
Shkëlzen Gashi prinë në renditjen e top-golashënuesve në Zvicër.Sulmuesi kosovar, Shkëlzen Gashi, po prinë në renditjen e golashënuesve më të mirë në Zvicër këtë edicion.
Gashi ka shënuar 21 gola në Superligën zvicerane gjerë tani, kur kanë mbetur edhe tre xhiro për të përfunduar stinori, shkruan Gazeta Express.
Ai është katër gola para anëtarit të Young Boys, Hoarau (17) i cili ka realizuar pesë penallti, për dallim nga Gashi që nuk ka asnjë gol të shënuar nga penalltia.
Në renditjen e top-golashënuesve në Evropë, Gashi është në top 40 sa i përket pikëve, ndërsa pikëve të golave, por mund të jetë në top 20 nëse shikohen vetëm numrat e golave.
Ai ka më shumë gola të shënuar se lojtarë si Carlos Tevez (20), Harry Kane (20), Carlos Bacca (20), Mauro Icardi (19), Robert Lewandowski (16) apo Diego Costa (19).
Gjithsesi, golat në Zvicër vlerësohen me koeficientin 1.5, për dallim nga golat që shënohen në top-ligat evropiane që vlerësohen me 2. /Gazeta Express/
