Shkëlqen Përfaqësuesja e Kosovës U-19 në “Roma Caput Mundi” të Italisë

Përfaqësuesja e Kosovës në futboll U-19, ka shkëlqyer në turneun e madh të futbollit “Roma Caput Mundi”, nga tri ndeshje të zhvilluara në dy ndeshje ka dal fituese ndërsa në një ndeshje ka humbur pas ekzekutimit të penaltive.

Përfaqësuesja e Kosovës në këtë turne të futbollit ka marrë pjesë me futbollist vendor, duke dëshmuar se Përzgjedhësi Ramiz Krasniqi është një trajner i kalibrit të madh, duke ju dhënë mundësi futbollistëve vendor, çka tek Përfaqësueset tjera kjo dukuri mungon.

Nga tri ndeshje të zhvilluara, Përfaqësuesja e Kosovës ka arritë të shënon 8 gola duke pësuar vetëm tri herë, ndërsa i pa mposhtur u tregua edhe portieri Auror Loxha i Trepçës 89, i cili në ndeshjen e fundit me Maltën mbrojti gjuajtjen nga pika e bardhë.

Në ndeshjen e parë djelmoshat nga Kosova në ballafaqim me përfaqësuesen e Lazios ndeshjen e mbyllën me rezultat 2-2, pas ekzekutimit të penaltive futbollistët nga Italia ishin më të mirë, golashënues për “Dardanët” ishin Qëndrim Zyba i Prishtinës dhe Albin Krasniqi i Dritës.

Në ndeshjen e dytë djelmoshat Kosovar me lojë spektakulare mposhtin “Albionët” e Anglisë me rezultat 3-1 . Golashënues për Përfaqësuesen e Kosovës ishin Muhamet Hyseni nga KF Llapi, Albin Prapashtica e Adonis Aliu nga KF 2 Korriku.

Në ndeshjen e tretë, “Dardanët” e Kosovës edhe njëherë treguan kualitetet e tyre duke e mposhtur Maltën me rezultat 3-0, golashënues me dy gola ishte futbollisti i 2 Korrikut Albin Prapashtica dhe futbollisti i Dritës, Albin Krasniqi.

Ekspedita Kosovare në këto tri ndeshje tregoi kulturë të lartë sportive, në mesin e shumë Përfaqësueseve nga Europa.

Përzgjedhësi i Përfaqësueses së Kosovës, Ramiz Krasniqi, me stafin e tij ishte mjaft i kënaqur me lojën e treguar të futbollistëve të tij.
“Me atë që treguam në këto tri ndeshje jam shumë i kënaqur duke e ditur se në këtë turne ishim vetëm me futbollist vendor, por këta djelmosha treguan cilësi dhe kulturë sportive duke dhënë gjithçka nga potenciali i tyre. kemi mundur edhe ndeshjen ndaj Lazios ta fitojmë por ishim të lodhur nga rruga, ndërsa ndeshja ndaj Anglisë djelmoshat dhanë më të mirën e tyre dhe e deklasuam si me lojë njashtu edhe me rezultat, ndërsa ndeshja me Maltën u dëshmua se në këtë turne mjaft prestigjioz, Kosova e ka dhënë provimin e saj me notën më të lartë”, ka pohuar Krasniqi./rajonipress/