Skuadra e Dritës në ndeshje e dytë kundër Inter Turkut, ka shënuar fitore me rezultat 3:0 për të avancuar në raundin e dytë kualifikues të Ligës së Konferencës. Drita kishte humbur 1:0 ndeshjen në Finlandë, javën e kaluar, por me fitoren dhe paraqitjen shumë më bindëse kalon tutje.
Që në minutën e dytë, Muja depërtoi në zonë dhe shtyu topin para. Para tij goditi Marko Simonovski që realizoi për 1:0. Në fillim të pjesës së dytë gjilanasit i dhanë fund dilemës së fituesit. Në minutën e 49-të Muja mori top në zonë dhe qëlloi shtyllën fillimisht.
Por ai ishte i vëmendshëm pas topit të kthyer, për të realizuar për 2:0. Menjëherë në minutën e 51-të futbollisti mitrovicas realizoi për 3:0.
Sërish Muja u shërbye në zonë dhe goditi saktë e bukur për ta dërguar topin në portë. Në fazën e dytë kualifikuese të Ligës së Konferencës, Drita takohet me Antwerpin belg. Ndeshjet luhen më 21 e 28 korrik.
