Shkarkohet menaxhmenti i “Hidromoravës”

Gjilan – Bordi i “Hidromoravës” e ka shkarkuar të hënën Mirvete Hotin drejtoreshë dhe Xhelal Shabanin drejtor financiar. Abdyl Hasani kryetar i bordit në këtë ndërmarrje publike tha për rajonipress se shkarkimi erdhi për shkak të gjendjes jo të mirë dhe raporteve të këqija ndërnjerëzore që kanë pasur Hoti dhe Shabani.

Bordi i ndërmarrjes publike “Hidromorava” ka shkarkuar të hënën drejtoreshën Mirvete Hotin dhe drejtorin financiar Xhelal Shabanin, raporton rajonipress.

Abdyl Hasani kryetar i Bordit tha se Hoti dhe Shabani janë shkarkuar për shkak se gjendja nuk ishte e mirë në këtë kompani dhe për shkak të raporteve jo të mira që kanë manifestuar tërë kohën Hoti e Shabani ndërmjet veti.

Hasani tha se gjithashtu në këtë kompani ka pasur edhe gjetje tjera si mos faturim dhe çështje tjera që lidhen me anën financiare të kompanisë.

Ushtrues detyre i drejtorit në këtë kompani bordi e ka caktuar Abdylaziz Selmanin. /rajonipress/