Shitorja e pajisjeve elektrike përfshihet nga zjarri

Gjilan – Në rrugën Qarkore në Gjilan Polica e Kosovës operativa rajonale në Gjilan është njoftuar përmes telefonit rreth orës 01:00, se kishte shpërthyer një zjarr në shitoren e elektro servisit “BELI” e cila gjendet në rrugën qarkore në Gjilan drejtimi Kamenicë.

Policia e Kosovës, njësitet e hetimeve rajonale, si dhe krim teknika kanë dalë në vendin e ngjarjes, po ashtu në vend ngjarje ishin edhe njësitet patrullues të policisë nga Gjilani dhe njësitet e zjarrfikëseve të cilët kanë bërë përpjekje në shuarjen e zjarrit.

Sipas deklaratës së pronarit dhanë Policisë së Kosovës ishin djegë pajisje elektroteknike si dhe teknikë e bardhë kryesisht prodhime të amvisërisë dhe pajisje tjera me vlerë, shuma e dëmit për momentin nuk dihet, por sipas pronarit është një vlerë e konsiderueshme. Ende nuk dihen shkaktarët e zjarrit por mbetet në vijim që edhe ekspertët kundër zjarrit të dalin me një raport hetues në mënyrë që të dihet shkaktari i këtij zjarri.

Është njoftuar prokurori i shteti dhe i njëjti ka urdhëruar që rasti të klasifikohet “Shkaktim i rrezikut të përgjithshëm – Zjarr”. Rasti është duke u hetuar ka thënë Ismet Hashani./rajonipress/