Shi dhe borë, kështu do të jetë moti sot

Instituti Hidrometeorologjik i Kosovës njofton dita e diele do të shoqërohet me mot kryesisht të vranët dhe herë-herë me reshje shiu dhe bore.

Reshjet parashihen të përfshijnë gjithë territorin, por që shtrirja e tyre si zakonisht nuk do të jetë uniforme për shkak të specifikave gjeografike që ka vendi ynë.

Temperaturat minimale do të lëvizin ndërmjet -2 deri 0 gradë Celsius, ndërsa maksimalet e ditës parashihen të lëvizin ndërmjet 2-3 gradë Celsius.

Në mëngjes vende-vende parashihet të ketë ngrica, prandaj ngasësve të automjeteve ju rekomandohet kujdes i shtuar në komunikacion. Do të fryjë erë kryesisht nga verilindja me shpejtësi 1-5 m/s. /Telegrafi/

Shpërndaje.
© RAJONIPRESS