Hidromorava

SHFMU “Esat Berisha” fillon iniciativën zyrtare për ngritjen e bustit të ish mësuesit Selami Shabani

/ 4 minuta lexim
Eco Higjiena

Gjilan – Mësuesi Selami Shabani është vrarë mizorisht nga dora gjakatare serbe më 30 prill të vitit 1999 dhe për ta nderuar figurën e këtij martiri kolektivi i Shkollës fillore”Esat Berisha” në Llashticë ka propozuar dhe mori unanimisht iniciativën për ngritjen e bustit të ish arsimtarit të kësaj shkolle Selami Shabani.

Në propozimin e shkollës thuhet se edhe arsimtari Selami si shumë e shumë mësimdhënës në kohën e okupimit klasik nga armiku serb doli në mbrojtjen e Shkollës shqipe dhe të lirisë së Kosovës.

Mësuesi Selami punoi, veproi dhe sakrifikoi çdo gjë nga vetja e tij për drejtësi në mbrojtjen e shkollës dhe gjuhës shqip, por që dihet edhe për liri dhe pavarësi të Kosovës, deri në flijim.

Veprimtaria e tij arsimdashëse dhe atdhedashëse që herët i kishte rënë në sy armikut të popullit tonë si dhe të shkollës shqipe dhe për këtë padrejtësi që i bëhej popullit tonë, shkollës sonë etj mësuesi Selami asnjëherë nuk u pajtua, kurrë dhe haptazi këtë padrejtësi e luftoi, prandaj shumë herë e në vazhdimësi, Selamiu për qëndrimet e tija, si arsimdashës, liridashës u maltretua në mënyrë psikologjike dhe fizike nga UDB-ja në atë kohe, por idealin e mësueset Selami nuk e theu armiku me këto maltretime që ia bënte në vazhdimësi.

Armiku gjakatar, nuk u ngop vetëm me këto, por me fillimin e luftës pushtuesit serb, mësuesin Selami e vrau mizorisht në shtëpinë e tij dhe e dogjën edhe për së vdekuri kufomën e tij bashkë me pesë anëtarë tjerë të familjes në shenjë hakmarrjeje vetëm pse Selamiu e mbrojti të drejtën, Shkollën, Gjuhen shqipe dhe me të drejtë hapur kërkoj liri dhe pavarësi të atdheut.

Për këtë ideal armiku mizorisht e vrau mësuesin e mbi 25 tjerë vrau e masakroi po në këtë fshat, me qëllim që të fuste friken me këto vrasje barbare e masakrime shtazarake e të pafalshme i bëri kundër mësueseve dhe popullit që t`i frikësoj dhe të lenin shkollën shqipe, vatrat e tyre dhe kishte qëllime gjenocidiale deri në zhbërje të popullit tonë.

Uji Dea

Por, këtyre padrejtësive edhe mizorive të armikut mësuesi Selami nuk iu përkul, por i tha Jo armikut, “Më mirë i vdekur se i robëruar, prandaj edhe mësuesi Selami këtë e pësoi me vrasje barbare nga paramilitaret dhe shteti gjenocidial serb. Vetëm e vetëm, si mijëra tjerë dhe i tërë populli shqiptar i Kosovës që kërkonte drejtësi, shkollim në Gjuhën amtare si dhe liri e pavarësi të Kosovë.

Selamiu, mirë e dinte se pa sakrificë e pa flijim as liria nuk do vinte në mënyrë që brezat një ditë ta gëzojnë dhe Kosova të çlirohet njëherë e përgjithmonë nga armiku shekullor serb, prandaj këtë ngritje të bustit pranë shkollës sonë si u tha nga gjithë mësimdhënësit, ish koleg yni e meriton ta ketë për sakrificën, veprën e bërë deri në flijim për shkollën shqipe dhe për këtë liri që ne sot dhe brezat do e gëzojnë.

Me këtë rast u formua edhe Këshilli iniciues nga shkolla, i cili për këtë nismë dhe iniciativë të qëlluar do e njofton dhe do kërkon përkrahje dhe mbështetje nga Këshill i fshatit, DKA -ja në Gjilan, Kuvendi Komunal, gjegjësisht kryetari në Gjilan si dhe strukturat tjera gjegjëse me qëllim që të përkrahet dhe të mbështetet dhe të realizohet kjo iniciativë e nisur nga kolektivi i SHFMU “Esat Berisha” të fshatit Llashticë, me qëllim që mësuesi Selami, tani i ndjerë me ngritjen e bustit pranë shkollës sonë vepra dhe kontributi i tij edhe më të nderohet, përkujtohet, sepse këtë e meriton.

Këtë iniciativë të nisur nga kolektivi i shkollës, shpresojmë dhe kërkojmë me bindje që organet gjegjëse edhe zyrtarisht do e mbështesin dhe do e përkrahin.

Me respekt Kolektivi i SHFMU ”Esat Berisha” – Llashticë, 2023