Shëtit këmbë të gjitha vendet e botës

Në këtë marshutë të pashoqe që ka zgjatur gati 4 vjet, Graham Hughes në mesin e 291 shteteve ka vizituar edhe Kosovën

Në botë duhet të ketë mjaft njerëz që kanë vizituar të gjitha shtetet e botës. Por i vetmi që ka ecur këmbë në të gjitha, 201 shtetet sa ka globi toekësor, është vetëm Graham Hughes.

Ky britanik 33 vjeçar e ka filluar aventurën e tij më 1 janar 2009 në Uruguaj dhe e ka përfunduar ditë më parë në shtetin më të ri të botës, në Sudanin jugor . Në këtë marshutë të tij të pashoqe, Hughes ka vizituar edhe Kosovën.

Edhe shtete dhe territore tjera që po ashtu nuk janë anëtare të OKB-së kanë qenë në listën e gjatë të vendeve që ai i ka arritur t`i shkelte me këmbë për një periudhë gati 4 vjeçare.
“Shumica besonin se jam i çmendur, të tjerët mendonin se kjo që po bëja unë është e pamundur”, thotë 33 vjeçari pas përfundimit të misionit.

Hughes thotë se në Korenë e Jugut ka mundur të “përbirohet me maja të gishtërinjve të këmbëve”. Ndërsa në shtetet në gjendje konfliktesh si Somalia ose Afganistani nuk kishte pasur probleme pasi që “në to rrallë ka kontrollime në kufi”.

Për t`u bërë vend vizave të të gjitha shteteve që ka shkelur këmbë, atij i janë dashur gjithsej 4 pasaporta. (albinfo)