Shërbimet e “Eco – Higjiena” kërkohen edhe nëpër fshatra

Gjilan – Kompania “Eco – Higjiena” ka filluar të mbajë takime me fshatrat e komunës së Vitisë për tu ofruar edhe atyre shërbimet e transportimit të mbeturinave. Banorët e fshatit Skifteraj dëshirojnë që të bashkëpunojnë me këtë kompani për të bartur mbeturinat.

Shtrirja dhe aktiviteti i kompanisë “Eco – Higjiena” tashmë është shtrirë edhe në fshatrat e komunës së Vitisë.

Drejtuesit e kësaj kompanie Bajram Isufi, Senad Rama e Burim Kastrati së fundit janë takuar me banorët e fshatit Skifteraj (ish Gjylekar) ku kanë bashkëbiseduar me këshillin e fshatit për të marrë shërbimin e transportimit të mbeturinave nga kjo Kompani.

Shërbimet Publike të Vitisë inkurajojnë fshatarët për një gjë të tillë. Bajram Isufi drejtor ekzekutiv thotë se “Eco – Higjiena” me të gjithë parametrat pozitiv që i ka në ofrimin e shërbimeve po mundohet që të jetë pjesë direkte e përmirësimit të shërbimeve edhe nëpër fshatra. “Ne synojmë një ambient të pastër edhe në vendet rurale dhe sidomos dëshirojmë t`i inkorporojmë edhe fshatrat e mëdha në mënyrë që mbeturinat të menaxhohen dhe të jenë sa më pak të dëmshme. Kemi sinjale të mira se në të gjitha fshatrat do të gjejmë mirëkuptim dhe bashkëpunim” tha Isufi.

Ndryshe “Eco – Higjiena” vazhdon të jetë njëra nga kompanitë me një storie të suksesit në fushën e Partneritetit Publiko Privat. “Eco – Higjiena” është e përfshirë në shumicën e raporteve që bëjnë Bashkimi Evropian duke e cilësuar atë si një kompani profesionale e angazhuar për një ambient të pastër./rajonipress/