Sheqeri shumë më i dëmshëm se çipsat, hamburgerët dhe picat!

Një studim i shkencëtarëve amerikanë thotë se ndikimi negativ i sheqerit në organizmin tonë, është nënvlerësuar shumë, sepse ai jo vetëm që qon në shtimin e peshës, por ndikon edhe në rritjen e shtypjes së gjakut dhe shkakton sëmundje të zemrës.

Duket se sheqeri është kërcënim shumë më i madh për shëndetin e njerëzve, se sa që jemi të vetëdijshëm, shkruan zeri.info. Studimin të cilin e ka udhëhequr doktori Robert Lustig, pediatër dhe endokrinolog nga San Francisko, thotë se shëndeti i 43 fëmijëve me mbipeshë, është përmirësuar ndjeshëm kur ëmbëlsirat e tyre janë zëvendësuar me ushqime si çipsat dhe hamburgerët.

Edhe pse ata kanë konsumuar sasi të njëjtë të kalorive, çrregullimi i tyre metabolik është shëruar plotësisht për vetëm 10 ditë. Në këtë studim kanë marrë pjesë 42 fëmijë të moshës nga 9 deri 18-vjeçe, ku të gjithë kanë qenë në spital për shkak të problemeve me peshën dhe probleme të ndryshme shëndetësore, siç është shtypja e lartë e gjakut.

Atyre u është dhënë detyra që gjatë nëntë ditëve, çdo ditë të masin peshën si dhe të hanë vetëm ushqimin që u jepet në spital. Konsumimi i sheqerit është zvogëluar nga 28 në 10 për qind, ndërsa fruktoza nga 12 në katër për qind të konsumimit të përgjithshëm të kalorive, shkruan më tej zeri.info. Ushqimin e ëmbël, e kanë zëvendësuar me hot-dog, hamburgerë, çipsa dhe pica.

Pas nëntë ditëve, shumica e aspekteve të shëndetit metabolik tek këta fëmijë, është përmirësuar, që nga shtypja e gjakut e deri te ulja e nivelit të kolesterolit të keq dhe triglicerideve, ndërsa sheqeri në gjak dhe niveli i insulinës, ka rënë për një të tretën./ZERI