Shënon në barazimin e Dinamos
Fatos Beqiraj ka shënuar gol në barazimin e Dinamo Moskës në duel me Zenit St. Peterburg në udhëtim. Ndeshja përfundoi baras, 1:1, ndërsa sulmuesi kosovar e gjeti golin e avantazhit në minutën e 18-të, shkruan Zëri.
Sidoqoftë, vendësit barazuan me Aleksei Gasilin në minutën e 40-të. Gjërat u përkeqësuan për skuadrën e përfaqësuesit malazez në minutën e 75-të kur Gregory Morozov u ndëshkua me karton të kuq.
Duhet cekur se sulmuesi pejan, i cili në të kaluarën ka luajtur për Shqiponjën e Besën në Kosovë, luajti 68 minuta, duke ia lëshuar vendin Evgeni Lutsenkos.
Pas pesë xhirosh të zhvilluara në ligën e dytë ruse, Dinamo është e para me 11 pikë, sa ka edhe Zeniti, që është i dyti. Skuadra nga Moska synon të rikthehet në elitën e futbollit rus. /Zëri/