Shënoi golin e fitores për Kolnin, Elvis Rexhbeçaj në formacionin e javës në Bundesliga
RajoniPress
15:03, 15 Dhjetor, 2020
Mesfushori shqiptar, Elvis Rexhbeçaj, është përfshirë në formacionin më të mirë të javës në kampionatin gjerman.
23-vjeçari ishte vendimtar në fitoren e Kolnit në udhëtim te Mainzi, në të cilën e shënoi edhe golin në vlerën tri pikë.
Goli i vetëm në atë takim u realizua në minutën e 55-të. Rexhbeçaj pranoi një top nga Ondrej Duda në qendër të zonës dhe goditi me vole për të shënuar gol të bukur.
Me tri pikët e reja Kolni është ngritur në kuotën e 10 pikëve dhe qëndron mbi zonën e rrezikut në luftën për mbijetesë.
Paraqitja e futbollistit shqiptar është vlerësuar nga ekspertët e Bundesligas, të cilët e kanë përfshirë në formacionin e javës. /Telegrafi/
