Shënohet Dita Ndërkombëtare e personave me aftësi të kufizuar

Gjilan – Hyrmete Morina tha se aftësia e kufizuar në Kosovë ende vazhdon të trajtohet apo konsiderohet si një çështje më shumë personale dhe familjare. Në komunën e Kamenicës janë të evidentuar rreth 400 persona me aftësi të kufizuara, megjithatë që gjendja tyre nuk është e kënaqshme për mënyrën e jetës, dhe po bëhen përpjekje të vazhdueshme për ta përmirësuar atë

Në hollin e ish objektit të kulturës, ishte organizuar manifestimi për nder të kësaj dite ndërkombëtare të personave me aftësi të kufizuar. Manifestimin e hapi Hyrmete Morina, koordinatore e “ Handikosit “, ndërsa në emër të komunës i përshëndeti Sylejman Morina, derisa në emër të qendrës rinore multietnike AWO, Lirije Dermaku -Hajrizi.

Hyrmete Morina koordinatore në “ Handikos” shprehu keqardhje për shkak të mos ardhjes së të ftuarave, duke e kuptuar këtë si një lloj injorimi. Kjo ditë u ndërkombëtarizua, pasi Kombet e Bashkuara e përcaktuan tre dhjetorin si dita ndërkombëtare e personave me aftësi të kufizuara.

Morina tha se aftësia e kufizuar në Kosovë ende vazhdon të trajtohet apo konsiderohet si një çështje më shumë personale dhe familjare. Në komunën e Kamenicës janë të evidentuar rreth 400 persona me aftësi të kufizuara, megjithatë që gjendja tyre nuk është e kënaqshme për mënyrën e jetës, dhe po bëhen përpjekje të vazhdueshme për ta përmirësuar atë.

Morina ka thënë se në aspektin ligjor vlen të theksohet se komuna e Kamenicës , pos që ia ka siguruar stazet për zhvillimin e veprimtarive shërbyese ajo i ndihmon edhe me mjete financiare çdo vit ku i financon projektet që i kanë të parapara. Po ashtu çdo objekt publik ka përgatitur edhe stazën për qasje në shërbime edhe këta persona, pastaj sigurimi i auto parkingjeve të caktuara me shenjen e veçantë.

Në fund Hyrmete Morina tha se të punosh në çështjen e personave me aftësi të kufizuar , do të thotë të ndërtosh të ardhmen e një shteti , të ardhmen e dikujt që varet prej neve e gjithkujt tjetër. Në pjesën tjetër ishin përgatitur gara sportive, bilardo , tenis dhe pikado ./rajonipress/