Shenjat e fshehta të mungesës së vitaminës C

Rënia e imunitetit gjatë periudhës së ftohtë lidhet me mungesën e vitaminës C në të ushqyer, të cilën gjithsesi duhet kompensuar.

Më të rrezikuarit janë duhanpirësit dhe të sëmurët nga sëmundjet kronike. Doza e rekomanduar e vitaminës C është prej 60 deri në 75 miligramë, ndërsa duhanpirësve u rekomandohet që të konsumojnë edhe deri në 30 miligramë më shumë.

Pasi që kjo vitaminë e rëndësishme gjendet vetëm në pemë dhe perime, mungesa e saj më së shpeshti është e dukshme gjatë muajve të ftohtë për shkak të mungesës së ushqimeve stinore. Kjo edhe është arsye për rënie të imunitetit dhe vuajtje nga ftohjet. Përveç rënies së imunitetit, simptoma më pak të njohura të mungesës së kësaj vitamine janë ndjenja e lodhjes, nervozizmi, gjakderdhja nga mishi i dhëmbëve si dhe rritja e nivelit të kolesterolit në gjak.

Shumica e vitaminës C nga ushqimi humbet gjatë zierjes, fërgimit dhe pjekjes, ndërsa shkencëtarët theksojnë se mungesën e saj duhet kompensuar në mënyrë që organizmi, që mund të funksionojë në mënyrë normale.

(Kosova Sot)