Shembull i rrallë, qytetari i harron 30 mijë franga në kafiteri, stafi ia kthen

Gjilan – Bashkim Nexhipi pronar i lokalit “Ag Bar Caffe” tha për rajonipress se një qytetar i kishte harruar mbi 30 mijë franga, por stafi i kafiterisë pasi i ka gjetur ato në tavolinë e ka ftuar pronarin që t`i marrë ato.

Bashkim Nexhipi ishte ndier shumë i lumtur kur ka marrë lajmin nga stafi i tij se një qytetari i janë kthyer 30 mijë franga pasiqë ishin harruar nga pronari në lokalin e tij “Ag Bar Caffe” në Gjilan.

Nexhipi tha për rajonipress se shembuj të tillë por të rralla ndodhin vetëm në Lokalin-“AGBAR- Caffe” në Agmia Center. “E kemi një staf të mrekullueshëm që i përmbahen rregullave humane sepse shumë raste ka që qytetarët pinë kafe dhe shpesh harrojnë portofole, telefona, torba e shumë tjera, por gjithnjë janë të sigurta në lokalin tonë. Sot një qytetar harron portofolin me plot para mbi 30 mijë franga dhe mbas një ore kthehet qytetari dhe ato i merr të gjitha nga stafi i ndërgjegjshëm i lokalit. Dhjetëra raste ka me shuma të mëdha parash që i harrojnë dhe mbas një kohe i marrin nga stafi i cili është i ndërgjegjshëm, që asnjëherë nuk i kemi bërë publike, por sot e bëmë publike këtë gjest” tha Nexhipi./rajonipress/