Shefkiu: Në Asamblenë Komunale të Gjilanit mungon transparenca

Gjilan – Isa Shefkiu nga OJQ “Anamorava” e cila merret ekskluzivisht me monitorimin e punës së Asamblesë Komunale tha për rajonipress se Asambleja Komunale ka mangësi në punën e saj sepse mungon transparenca, kryesuesja është e papërvojë derisa opozita po tregohet shumë aktive karshi “gjumit” të këshilltarëve të pozitës.
OJQ “Anamorava” e cila monitoron punën e asamblesë dhe të komiteteve komunale në Gjilan ka gjetur mangësi dhe shkelje të procedurave në punën e Asamblesë Komunale raporton rajonipress.
Isa Shefkiu udhëheqës në këtë OJQ tha për rajonipress se ka shkelje serioze të procedurave për pika të caktuara në asamblenë komunale.
Sipas Shefkiut materialet nëpër komitete nuk dërgohen me kohë tek këshilltarët dhe se mungon transparenca. “S`ka transparencë të mirëfilltë në asamble dhe ka shkelje të procedurave. Asambleja nuk e ka realizuar planin e saj të punës kurse kryesuesja e Asamblesë Valentina Bunjaku është e papërvojë për të udhëhequr me këtë pozitë”.
Shefkiu megjithatë i ka dhënë notë pozitive opozitës. “Opozita po tregohet e angazhuar dhe aktive në punimet e asamblesë karshi “gjumit” të këshilltarëve të pozitës të cilët po shprehin pak interesim për të trajtuar probleme serioze./rajonipress/