Shefat e pasur të agjencive

Beqir Mezelxhiu, kryeshef i Agjencisë Kosovare për Mbrojtje nga Rrezatimi dhe Siguri Bërthamore, si dhe Daut Morina, drejtor në Agjencinë për Ndihmë Juridike Falas, janë dy udhëheqës të agjencive të pavarura, të cilët kanë pasuri më të madhe se kolegët e tyre.

Kryeshefi ekzekutiv i Agjencisë Kosovare për Mbrojtje nga Rrezatimi dhe Siguri Bërthamore, Beqir Mezelxhiu, është ndër më të pasurit në mesin e udhëheqësve të agjencive të pavarura.

Mezelxhiu, i cili ka qenë edhe drejtor i ish-bankës “Dardania Bank” e që mbajti fondet e 3-përqindëshit, ka katër banesa, dy lokale dhe disa ari tokë në lokacione të ndryshme. Ai këto paluajtshmëri i ka deklaruar në Agjencinë e Kosovës Kundër Korrupsionit.

“Banesë 151 metra katrorë e blerë më 2003 në vlerë prej 60,400.00 eurosh, banesë 94 metra katrorë e blerë më 2010 – 68,550.00 euro, banesë 83 metra katrorë e blerë më 1993 – 15,000.00 euro, banesë 90 metra katrorë e blerë në 2012 në vlerë prej 36,000 eurove”, janë deklarimet bazë të Mezelxhiut të bëra në Antikorrupsion./zeri/