Shatri: Rritje ekonomike që ngre papunësinë

Buxhet që nuk garanton rritje të qëndrueshme dhe një përpjekje për të mbajtur nivelin e njëjtë të papunësisë, e ka vlerësuar ish-ministri i Ekonomisë dhe i Financave, Haki Shatri, buxhetin e planifikuar nga Qeveria për vitin 2016.

Në intervistën për “Kohën Ditore”, Shatri ka thënë se me këtë ritëm të rritjes ekonomike që ka paraparë Qeveria e Kosovës në tri vitet e ardhshme do të rritet niveli i papunësisë dhe i varfërisë.

Shatri është befasuar me Projektbuxhetin e vitit 2016, duke i marrë parasysh konstatimet e mëhershme të kryeministrit aktual për mundësinë që nga luftimi i ekonomisë joformale dhe e evazionit fiskal t’i grumbullojnë nga 500 milionë euro më shumë.

Sipas tij, Qeveria nuk e ka në plan luftimin e këtyre dukurive, prandaj rritjen e të hyrave e bazon në rritjen e tatimeve. Ai ka folur edhe për mënyrën e shpërndarjes së buxhetit dhe orientimin social të qeverisë së djathtë.

http://koha.net/?id=27&l=83268