Shaqirin e duan këto tri skuadra të njohura

Pasi Stoke City nuk arriti të mbijetojë në Premierligë, Xherdan Shaqiri do të largohet nga ky klub gjatë kësaj vere dhe tashmë klubet kanë nisur ta shfaqin interesimin për futbollistin kosovar.

Sipas medieve të huaja, objektivi i parë i menaxherit të Southamptonit, Mark Hughes, është pikërisht përfaqësuesi zviceran, shkruan sot gazeta Zëri.

Gjithashtu, interesim për Shaqirin ka shfaqur edhe gjiganti britanik Tottenham.

Mirëpo, mediet turke shkruajnë se futbollistin nga Zhegra e Gjilanit e do edhe Galatasaray.

Shaqiri i ka zhvilluar 36 ndeshje në Premierligë në sezonin që përfundoi dhe ka realizuar 8 gola, duke dhuruar po ashtu 7 asistime. /Zëri/