Shaqiri: Tung nënë, mund të flesh e qetë

Xherdan Shaqiri nuk mund të debutonte më mirë në fanellën e Interit përpara publikut në San Siro. Mesfushori kosovar shënoi gol në fitoren 2:0 ndaj Sampdorias, duke e ndihmuar ekipin Nerazzurri të kualifikohej në çerekfinale të Kupës së Italisë, shkruan Zëri.

Dhe, “La Gazzetta dello Sport” ka zbuluar se ylli kosovar e ka telefonuar nënën e tij pas ndeshjes, duke ia shpjeguar të gjithë gëzimin që e ndiente, raporton Zëri.

“Përshëndetje nënë, jam zbavitur dhe të gjithë janë ngritur në këmbë për të më duartrokitur kur kam dalë nga loja”, i ka thënë përfaqësuesi zviceran nënës së tij në telefon. “Mund të flesh e qetë”, ka shtuar numri 91 i Interit. /Zëri/