Shaqiri nuk e ka bindur ende Mancinin

Përkundër paraqitjes së mirë në ndeshjen e Kupës së Italisë ndaj Sampdorias, Xherdan Shaqiri mund të mos luajë titullar në ndeshjen e radhës kundër Torinos në Seria A. Trajneri i Interit, Roberto Mancini, mendon se mesfushori shqiptar akoma nuk është në gjendje që të zhvillojë një ndeshje të plotë në kampionatin italian.

“Nuk besoj se Shaqiri mund të luajë 90 minuta. Do të vendosim të dielën”, ka deklaruar Mancini në konferencën për shtyp.

Ish-lojtari i Bayern Munichut u transferua me shumë bujë te Nerazzurrët, mirëpo ai ende nuk ka luajtur si titullar në Seria A.

Kalimin e tij te Interi e kanë vlerësuar si hap shumë të mençur edhe dy legjendat e futbollit botëror, Oliver Bierhoff dhe Luis Figo. /KP/Telegrafi/