Shaqiri në shitje

Inter do ta sakrifikojë Xherdan Shaqirin në rast se arrin marrëveshje për transferimin e Mohamed Salah nga Fiorentina.

Mesfushori kosovar iu bashkua “Nerazzurrëve” gjatë afatit kalimtar të janarit nga Bayern Munich.

Mirëpo, ai do të largohet nga Giuseppe Meazza gjatë verës në rast se Salah i bashkohet Interit, ka bërë të ditur e përditshmja italiane “Corriere della Sera”.

Shaqiri e nisi mbarë aventurën e tij me skuadrën milaneze. Por, forma jo e mirë fizike dhe lëndimet bënë që ai të humb vendin në formacionin bazë nga braziliani Hernanes, në fazën përfundimtare të sezonit.

Inter synon të krijojë një skuadër të fuqishme për edicionin e ri, por pjesë e saj mund të mos jetë Shaqiri.