Shaqiri në Rusi?

Trajneri Murak Yakin kërkon një përforcim kualitativ për Spartak Moskën e tij.Dhe, ai ka identifikuar yllin kosovar të Bayern Munichut, Xherdan Shaqiri, si futbollistin e duhur, raporton e përditshmja ruse “Izvestia”.

Mesfushori nuk është duke luajtur me vazhdimësi në Allianz Arena dhe spekulohet se mund të largohet nga klubi pas rihapjes së afatit kalimtar në janar.

Spartak Moska ishte në mesin e klubeve që kërkuan Shaqirin edhe gjatë verës, por pa sukses, pasi ai mbeti në Munich.

Mirëpo, Yakin nuk është dorëzuar dhe prapë pritet të tentojë blerjen e Shaqirit, i cili së fundmi është përmendur edhe si objektiv i Juventusit dhe Interit në Serie A. /Zëri/