Shaqiri në alfabetin e Botërorit

Zvicra është eliminuar nga Kampionati botëror, e së bashku me të edhe një prej yjeve më të mëdha të ekipit, Xherdan Shaqiri.

Por, mesfushori kosovar nuk është harruar për atë që bëri gjatë garës në Brazil. Agjencia e lajmeve “Reuters” ka publikuar gjërat më të veçanta të Botërorit, sipas shkronjave të alfabetit. Dhe, tek ajo X e ka vendosur Xherdan Shaqirin.

“I konsideruar si ‘Messi i Apleve’ nga disa, mesfushori i Zvicrës realizoi het-trik në fitoren e Grupit E ndaj Hondurasit. Ky ishte het-triku i 50-të në histori të një Kampionati botëror dhe i dyti gjatë kësaj gare pas atij të shënuar nga Thomas Muller në fitoren e Gjermanisë ndaj Portugalisë me rezultat 4:0”, shkroi “Reuters”.

Zvicra u eliminua në fazën e dytë të garës nga Argjentina.