Shaqiri: Mund t’i bëjmë ballë Barcelonës

Xherdan Shaqiri është i bindur se Bayern Munichu mund t’i bëjë ballë Barcelonës, në përballjet gjysmëfinale në mes veti që do t’i zhvillojnë sonte dhe javën tjetër.
Mesfushori kosovar është i vetëdijshëm megjithatë me fuqinë që e ka gjiganti katalunas.
“Çdokush e di se çka mund të bëjë Barcelona. Ata fituan në shtëpi me rezultat 4:0 ndaj Milanit, i cili është një ekip i madh. Ne e dimë se Barcelona është e gatshme dhe që ka ardhur në Munich për të fituar”, tha Shaqiri për mediat gjermane.
“Ne e dimë po ashtu se nuk do të jetë aspak ndeshje e lehtë, por kjo është normale. Ne kemi besim në këtë kohë, mund të ballafaqohemi me Barcelonën”, vazhdoi përfaqësuesi zviceran, i cili pritet të jetë rezervist në këtë takim.