Shaqiri merr pushim nga klubi, që të luajë për Zvicrën

Xherdan Shaqiri nuk ka rrezikuar të luajë ndaj Chelseat dhe pritet të jetë në shërbim të ekipit të Zvicrës ndaj Letonisë, e më pas të jetë plotësisht i gatshëm për skuadrën e Stoke Cityt.

Ku është Xherdan Shaqiri? Të gjithë në Stoke po pyesin. Ai pritej që të luante kundër Chelseat, megjithatë, skuadra angleze nuk kadashur të rrezikojë, shkruan ‘stokesentinel.co.uk’.

Futbollisti shqiptar nuk ka luajtur që nga 21 janari kundër Manchester United dhe ka dashur të luajë ndaj liderit, por është zbuluar një lëndim tjetër i tij, përcjell albinfo.ch.

Ndihmës trajneri Mark Bowen ka thënë se ai është trajnuar veçantë për këtë ndeshje, por nuk kanë dashur të rrezikojnë. Ai ka shtuar se Shaqiri është lënë i lirë për t’u stërvitur me Zvicrën e të ketë 90 minuta në këmbë dhe më pastaj të rikthehet në skuadrën angleze.

Bowen ka shtuar se po të luante të shtunën do të ishte rrezik i madh. Sidoqoftë, ata po e presin Shaqirin në ndeshjet e mbetura të kampionatit anglez.

http://www.albinfo.ch/shaqiri-merr-pushim-nga-klubi-qe-te-luaje-per-zvicren/