Shaqiri i përgjigjet tifozes: Gjilani, djep i futbollit

Ylli i Liverpoolit, Xherdan Shaqiri, është shprehur krenar me prejardhjen e tij nga Gjilani, duke i kthyer përgjigje një tifozeje kosovare e cila pyeste në Twitter se a është Gjilani djep i futbollit në Kosovë.

Sezoni 2019/20 jo vetëm që e bëri Xherdan Shaqirin kampion të Anglisë me Liverpoolin, por edhe klubi nga vendlindja e tij, Drita, e fitoi titullin e Superligës së Kosovës, transmeton Gazeta Express.

Përveç Dritës, edhe klubi tjetër nga i njëjti vend, SC Gjilani, arriti suksese këtë vit, duke e siguruar daljen në Evropës përmes pozitës si nënkampion i ligës.

Këto sukese të dy klubeve nga Gjilani e shtynë një tifoze të pyes nëse Gjilani është djepi i futbollit, pyetje kjo ndaj së cilës dha përgjigje vetë Shaqiri.

“Vendlindja ime, Gjilani (vendlindja edhe e Xherdan Shaqirit) i ka dy klube të futbollit: Dritën dhe Gjilanin. Ato e mbyllën sezonin në pozitën e parë dhe të dytë dhe do ta përfaqësojnë Kosovën në garat ndërkombëtare. A mund ta quaj qytetin tim djep të futbollit apo është ende herët”, shkroi Flaka Ismaili në Twitter.

Ndaj pyetjes së saj u përgjigj Shaqiri, i cili shkroi: “Mundesh, 06”. /Gazeta Express/