Shaqiri, i fuqishëm

Legjenda e Interit, Javier Zanetti, e ka lavdëruar futbollistin kosovar, Xherdan Shaqiri. Ish-futbollisti argjentinas thotë se futbollisti i ri “Nerazzurri” është i fuqishëm, por se duhet t’i jepet ende kohë për t’u adaptuar në futbollin italian.

“Shaqiri është lojtar i madh. Është mjaft i fuqishëm dhe ne duhet t’i japim ende kohë për t’u adaptuar”, deklaroi drejtori i Interit për “Sky Italia”. Shaqiri e la Bayern Munichun gjatë janarit, për t’u transferuar në Inter.

Ai shpërtheu fillimisht, duke bërë paraqitje brilante, por kishte më pas rënie konstante të formës. Megjithatë, trajneri Roberto Mancini beson shumë në aftësitë e përfaqësuesit zviceran, i cili në sezonin e tij të dytë në Itali mund të jetë edhe më i dobishëm. /Zëri/