Shaqiri e Mandjukic nuk ndiqen penalisht

“Ky variant i përshëndetjes nuk është i dënueshëm” kanë thënë në prokurorinë e Nürnbergut

Nuk janë gjetur baza ligjore për të iniciuar një padi penale ndaj futbollistëve të Bajernit, Shaqiri dhe Mandjukic. Siç dihet tashmë, Mandjukic në ndeshjen e Bajernit kundër Nürnbergut, pas shënimit të një goli, i kishte bërë publikut një përshëndetje ushtarake. Të njëjtën e kishte përsëritur edhe Shaqiri.

Ky gjest pastaj ishte interpretuar si “përshëndetje hitleriane” dhe si shprehje gëzimi për lirimin nga Haga të dy gjeneralëve kroatë.

“Ky variant i përshëndetjes nuk është i dënueshëm” kanë thënë në prokurorinë e Nürnbergut duke iu referuar gjestit të Mandjukicit, të cilin disa medie e kishin shpallur tashmë fajtor!

Nga ana tjetër, sa i përket Shaqirit gjithçka është e qartë. “Unë nuk kam njohuri për politikën e Kroacisë”, ka thënë në mënyrë të besueshme futbollisti shqiptaro-zviceran.