Shaqiri e Ajeti, të nominuar për laureatë në Zvicër

Xherdan Shaqiri është i nominuar në garën për futbollistin më të mirë të vitit në Zvicër, teksa Albian Ajeti për talentin e vitit.

Mesfushori kosovar, Xherdan Shaqiri, është nominuar nga Federata Zvicerane e Futbollit për lojtarin më të mirë në Zvicër për këtë vit, përcjell football.ch.

Ai do të garojë me Diego Benaglion dhe Ricardo Rodriguez për ta fituar këtë epitet.

Në anën tjetër, talenti i ri kosovar, Albian Ajeti, është nominuar për ta fituar epitetin e lojtarit të ri më të mirë.