Shaqiri dëshironte përballje me Gjermaninë dhe jo Poloninë
RajoniPress
08:04, 22 Qershor, 2016
Xherdan Shaqiri ka preferuar një short me Gjermaninë para Polonisë në 1/8 e finales së Euro 2016.
Zvicra që ka kaluar grupin A nga vendi i dytë, të shtunën përballet me Poloninë në St-Etienne, që po ashtu ka përfunduar në vendin e dytë në grupin C, me pike të barabarta me liderët e Gjermanisë.
Gjatë një interviste për SRF, Shaqiri e cilëson Poloninë si një rival të vështirë, por zbulon dëshirën e tij për t’u përballur me Gjermaninë.
“Një kundërshtar i vështirë por i kalueshëm. Polonia ka një ekip shumë të mire, që në dy ose tre vitet e fundit kanë luajtur futboll shumë të mire”, ka deklaruar Shaqiri, transmeton Indeksonline.
“Unë kisha preferuar Gjermaninë. Në atë përballje do të takohesha me shumë ish-kolegë”, deklaron futbollisti me prejardhje nga Kosova./Indeksonline/
