Shala rikthehet pas tre muajve, ftohet nga Lyngby
RajoniPress
08:17, 19 Nëntor, 2017
Herolind Shala po sheh dritë në fund të tunelit pas lëndimeve të shumta.
Mesfushori fantastik me shtetësi kosovare, ka qenë i lënduar që tre muaj dhe ka munguar për skuadrën e tij Lyngby.
Por pasi ka kaluar lëndimin ai më në fund është i gatshëm për ndeshje.
Skuadra daneze, Lyngby e ka grumbulluar futbollistin nga Kosova për ndeshjen e kampionatit ndaj Randers.
Shala gjatë prezantimit tek Lyngby
Ende nuk dihet nëse Shala do të startojë apo do të ketë vetëm disa minuta nga trajneri në pjesën e dytë.
Në ndeshjen ndaj Randers është hera e parë që Shala po grumbullohet nga Lyngby dhe pritet të bëjë debutimin e tij.
Pas 15 javëve në elitën e futbollit danez, Lyngby zë pozitën e nëntë në tabelë me 18 pikë të grumbulluara.
Kujtojmë që 25-vjeçari iu bashkua skuadrës daneze nga ajo çeke Sparta Pragë. /Telegrafi/
