Shala paralajmëron masë reciprociteti ndaj Maqedonisë Veriore, nëse nuk i largon barrierat ndaj produkteve kosovare

Ministri në detyrë i Tregtisë dhe Industrisë, Endrit Shala, veç taksës për produktet serbe dhe ato të Bosnjës, ka paralajmëruar masa edhe ndaj produkteve të Maqedonisë Veriore, nëse ky shtet nuk i largon barrierat tregtare ndaj Kosovës.

Madje, për këtë punë, Shala, edhe i ka dërguar letër homologut të tij në Maqedoni, Kreshnik Bekteshi .

“Sot i kam dërguar letër ministrit të Ekonomisë të Maqedonisë së Veriut, z.Kreshnik Bekteshi dhe i kam kërkuar që sa më shpejt të largohen barrierat të cilat i ka vendosur ky shtet ndaj produkteve kosovare. Ndryshe ne do të shqyrtojmë masa reciprociteti për të gjitha prodhimet e Maqedonisë së Veriut që eksportohen në Kosovë”, ka thënë Shala.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).