Shala nuk ndalet, tjetër gol të bukur në Norvegji

Herolind Shala është duke kaluar nëpër formën e tij më të mirë deri më tani.

Vendimi për tu rikthyer për pak kohë në Norvegji duket se ka qenë i duhuri për Shalën që po shkëlqen me fanellën e Startit.

Titullar si gjithnjë, pasime të sakta lojë e mirë në mbrojtje por edhe gola e asistime me ‘bollëk’ për Shalën.

Herolindi ka arritur të shënoj një tjetër gol së fundmi në kampionat, më humbjen e Startit 3-2 në udhëtim te Valerenga.

Shala shënoi golin e fundit në ndeshje me një goditje të fuqishme në minutën e 90-të.

Në nëntë ndeshje të zhvilluara në kampionat dhe Kupë, Shala ka shënuar tre gola dhe ka asistuar në katër të tjerë me fanellën e Startit.

Forma e tij e mirë e gëzon edhe përzgjedhësin e Kosovës, Bernard Challandes i cili me ta marrë drejtimin e Përfaqësueses nuk e ka lënë në asnjë takim Shalën në bankë.

Në ndeshjen e ardhshme Shala me Startin e tij do të luajnë në shtëpi me Sarpsborgin.

Për ta parë golin duhet të klikoni KËTU/Telegrafi/