Shala mezi pret ndeshjen me Turqinë, krenarë me Kosovën
Herolind Shala ka treguar edhe njëherë se sa krenarë është që po e vesh fanellën e Kosovës.
Përmes një postimi në rrjetet sociale, mesfushori i Kombëtares së Kosovës, Herolind Shala, ka treguar edhe njëherë se sa krenarë është që po e vesh këtë fanellë, i cili mezi po e pret ndeshjen me Turqinë.
“Ditët po ecin dhe po afron ndeshja ndaj Turqisë. Ndjenjë e papërshkrueshme ta veshësh fanellën e vendlindjes. ForcaKosova, Dardanët”, ka shkruar Shala në Facebook.
Kosova gjendet në Grupin I në kualifikimet për Botërorin “Rusia 2018” dhe pas pesë ndeshjeve, ka marrë vetëm një pikë, barazimin historik në ndeshjen e parë me Finlandën.
Ndeshja me Turqinë do të jetë e gjashta për Kosovën, e cila do të zhvillohet në Shkodër në “Loro Boriçi” me 11 qershor. /Express/