Shala merr rrugë për në Holandë

Mesfushori i Kombëtares shqiptare, Herolind Shala është nisur për në Holandë për ta zhvilluar ndeshjen me skuadrën e tij Slovan Liberec ndaj Groningen.Kjo ndeshje pritet të luhet gjatë ditës së nesërme në kuadër të Ligës së Evropës, ku përpos Groningenit, Shala është përballur edhe me Olimpique Marseille e Sporting Braga.

Ai ka postuar një foto në faqen e tij zyrtare në Facebook, ku shkruan se është nisur për Holandë për ndeshjen e rëndësishme.

“U nisëm për në Holandë ku na pret një ndeshje e rëndësishme ndaj Groningenit. Në foto me shokun tim Isaac Sackey”, shkroi Shala.

Liberec ndodhet në pozitën e dytë në tabelë me katër pikë të tubuara dhe me gjasa të mira për të kaluar në raundin tjetër në Ligën e Evropës. /Telegrafi/