Shala: Ia vlen të diskutohet për shkëmbimin e Luginës së Preshevës me veriun e Kosovës

Blerim Shala, këshilltar politik i presidentit të Kosovës, Hashim Thaçi, ka folur për arritjen e një marrëveshjeje të mundshme përfundimtare, mes Kosovës dhe Serbisë, në Bruksel.

Ai ka vlerësuar, gjatë një paraqitjeje në emisionin “Pressing”, në televizionin T7, se ia vlen të diskutohet me palën serbe për shkëmbimin e Luginës së Preshevës me veriun e Kosovës.

Më herët, Shala ka treguar se presidenti Thaçi dikur mbante qëndrimin se shkëmbimi i territoreve me vendin fqinj është “shumë i rrezikshëm”.

Por, ai ka theksuar se gjërat kanë ndryshuar në javët e fundit, përfshirë edhe ndryshimin e qëndrimit të Shteteve të Bashkuara të Amerikës rreth një shkëmbimi të mundshëm territoresh.

Shala po ashtu ka komentuar edhe idenë për një rezolutë në Kuvendin e Kosovës për bashkimin e Luginës me Kosovën.

Ai ka thënë se një gjë e tillë nuk do të ishte kundërkushtetuese, siç ka vlerësuar opozita e vendit. /Express/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).