Shala i papërmbajtshëm, i detyron kundërshtarët të marrin katër kartonë të verdh

Herolind Shala po vazhdon me sukseset e tij të mëdha në kampionatin çek me skuadrën Slovan Liberec.Ylli shqiptar, ka qenë titullarë si gjithnjë në ndeshjen mes skuadrës Slovacko dhe Liberecit, ku shënuan fitore mysafirët me rezultat 1-2.

Në këtë takim Herolindi asistoi tek goli i dytë i shënuar nga Sural, por në përgjithësi ishte më i miri në fushë.

Lojtarët vendas të vetmen mënyrë për ta ndalur mesfushorin shqiptar e kishin duke shkaktuar ndërhyrje të palejueshme në të, me ç’rast gjyqtari akordoi katër karton të verdh për ta.

Në minutën e 43-të, u ndëshkua Rada i vendasve pasi pengoi Herolindin në gjysmën e fushës kur po nisej në kundërsulm, ndërsa në të 50-tën Chvatal pasi faulloi drenicakun pas një depërtimi të mirë të tij.

Kur po afrohej përfundimi i ndeshjes, Shala mbante topin në këmbë duke e kontrolluar mirë atë dhe duke humbur kohë, ndërsa Civic në minutën e 79-të dhe Divis në të 84-tën shkaktuan ndërhyrje të palejueshme që detyroi gjyqtarin t’i ndëshkoj me të verdh.

Kjo fitore e Liberecit ishte nën regji të Shales, pasi në daljen nga loja në minutën e 87-të, u duartrokit si nga tifozët e Liberecit por edhe nga ata kundërshtar të Slovackos. /Telegrafi/