Shala e Ismaili: Do ta sjellim Kupën e Kosovës në Gjilan!

Gjilan – Klubi Futbollistik “Drita” në muajin shkurt do të udhëtojë për njërën nga fazat përgatitore në Bursa të Turqisë , mirëpo objektivi i Klubit është Kupa e Kosovës dhe një sezon pranveror të suksesshëm u shprehen zyrtarët e klubit Gjilanas, Saqip Shala dhe Besim Ismaili.

Në skuadër kemi lojtarë vërtet cilësorë, të cilët kanë premtuar të japin më të mirën e tyre, në mënyrë që skuadra të arrijë objektivat e këtij sezoni. “Objektivi ynë është Kupa e Kosovës, por dua të theksoj se sa i përket renditjes ne tabele aty jemi përkohësisht, sepse synim kemi ngritjen në renditjen tabelare. Kam bindjen se do të kemi një sezon të suksesshëm” tha Ismaili.

Ismaili tha se po përpiqemi të formojmë një grup të denjë, i cili do të jetë i aftë për të përballuar me sukses sezonin.

Edhe kryetari i bordit Saqip Shala kujton sezonin 2000/01 dhe beson që Drita do të fitojë kupën e Kosovës.

Nënkryetari i bordit Besim Ismaili tha se ka ardhur koha që në qytetin e Gjilanit ta sjellim Kupën e shumëpritur./rajonipress/