‘Shakira shqiptare’ s’pi alkool, cigare e as kafe

Këngëtarja Xheraldina Berisha e cila pat mahnitur publikun, e veçanërisht trajnerët e spektaklit “The Voice of Albania”, përmes zërit të saj ka treguar se ajo kurrë në jetë nuk ka pirë alkool, cigare dhe kafe.

Përmes një statusi në profilin e saj në ‘Facebook’, siç shkruan tribuna, Berisha ka pyetur fansat, nëse ekziston ndonjë prej tyre që s’ka pirë kurrë alkool, cigare dhe kafe.

“A jom e vetmja qe s’kom pi kurr…alkool,cigare edhe kafe Lol?”. Ndryshe Xheraldina, edhe pse është vlerësuar lart si një këngëtare e kompletuar, e cila nga këngëtari Elton Deda u pat cilësuar edhe si ‘Shakira shqiptare’, ende nuk ka sjell në treg ndonjë videoklip autorial. Por, ajo çdo herë është e pranishme në mbrëmje ‘live’ nëpër lokale të ndryshme në vend.