Shabani: Të trajtohemi si vëllezër

Gjilan – Në ditën e katërt të punës koordinatorja e Zyrës për Preshevë, Bujanoc me Medvegjë, Gentiana Shabani, ka vizituar Departamentin për Shtetësi, Azil dhe Migracion në Prishtinë në kuadër të Ministrisë së Punëve të Brendshme.

Ajo u prit nga drejtori i këtij departamentit z. Valon Krasniqi, nga përgjegjësi për shtetësi si dhe nga përgjegjësi për leje qëndrim të përkohshëm në Republikën e Kosovës.

Gjatë takimit vazhdimisht koordinatorja i informoi në detaje zyrtarët për problemet e qytetarëve të dëbuar nga Kosova Lindore, që po përballen me problemet e dokumentacionit në Republikën e Kosovës me të cilat probleme qytetarët për çdo ditë po vijnë në drejtim të Zyrës për Preshevë, Bujanoc dhe Medvegjë, poashtu koordinatorja u kërkoj atyre që të trajtohemi si vëllezër kuptohet duke respektuar dispozitat ligjore.

Ndërsa drejtori i Departamentit z. Valon Krasniqi dhe vartësit e tij shprehën kënaqësinë për takimin e sotëm të shumëpritur nga ana e tyre, njëkohësisht vendosën bashkëpunimin e frytshëm dhe u dakorduan që sipas nevojave të vazhdojnë takimet e ndërsjella./rajonipress/