Shabani kërkon mirëkuptim nga pjesëtarët e policisë për persona të cilët janë pa dokumente identifikimi

Gjilan – Gjatë këtij takimi, u diskutua për problemet me të cilat ballafaqohen qytetarët e dëbuar nga Kosova Lindore, me theks të veçantë problemi i mospajisjes me dokumentacion të qytetarëve të cilët janë të shpërngulur nga Kosova Lindore e që jetojnë në Gjilan.

Kryetarja e Lëvizjes Qytetare “Vatra”, znj.Gentiana Shabani së bashku me sekretarin e përgjithshëm Ibrahim Maliqi sot u takuan me komandantin e Stacionit Policor në Gjilan, Remzi Azemi.

Fillimisht gjatë këtij takimi, u diskutua për problemet me të cilat ballafaqohen qytetarët e dëbuar nga Kosova Lindore, me theks të veçantë problemi i mospajisjes me dokumentacion të qytetarëve të cilët janë të shpërngulur nga Kosova Lindore e që jetojnë në Gjilan.

Shabani më pastaj ka kërkuar mirëkuptim nga pjesëtarët e policisë për këta persona të cilët janë pa dokumente identifikimi.

Ndërsa Maliqi , informoi komandantin Azemi për problemet e shumta që kanë këta qytetarë duke i treguar për llojin e problemeve dhe për numrin e përgjithshëm të qytetarëve të cilët jetojnë në Gjilan e që nuk kanë dokumente.

Në fund Komandanti Azemi shprehi gatishmërinë e Policisë së Stacionit Policor në Gjilan për bashkëpunim dhe mirëkuptim për këta qytetarë ./rajonipress/