Sevdail Haziri ka një porosi për Nagip Arifin: Turpi brina s`ka, mos e injoro rrugën e Suharnës

Gjilan – Nagip Arifi ka postuar një vizitë të tij bërë Malësisë së Bujanocit, dhe ky postim i tij ka ngjallur shumë reagime tek afaristi Sevdail Haziri, i cili me mjete vetanake ka nisur hapjen e rrugës 15 kilometërshe në Suharnë. Zoti Nagip Arifi mos harro se kjo rrugë e ka vlerën e vet, kjo rrugë nuk po ndërtohet për vota, por po e bëjë për popull. T`i ishe aq afër, por nuk e pa të udhës ta bëshë një vizitë të shkurtër në vendin ku tash e një muaj po punohet pa u ndalur thotë Sevdail Haziri.

“Malësia po gjallërohet”, kështu ka shkruar në rrjetin social Nagip Arifi sot derisa ka injoruar punimet e mëdha që po bëhen në rrugën e Suharnës.

Dhe ky gjest i Nagip Arifit nuk i ka pëlqyer fare Sevdail Hazirit. “E pash dikund që kishte shkruar se gjoja e ka vizituar Malësinë e Bujanocit, por Nagip Arifi po harron se edhe Suharna është Malësi, edhe Suharna meriton të ndihmohet e përkrahet. Vërtet u zhgënjeva shumë, u zhgënjeva tej mase me këtë gjest të Nagip Arifit, një kryetar komune që nuk e sheh të udhës ta vizitojë rrugën dhe t`i urojë ata punëtor e ata banorë që po i gëzohen çdo ditë hapjes së kësaj rruge. Thjesht turpi brina s`ka” tha Sevdail Haziri për rajonipress.

Haziri tha se këtë rrugë e ka përkrahur edhe në vitin 2017, por as atëherë, e as tash nuk ka një mbështetje nga Komuna e Bujanocit. “Nuk e kuptojë këtë injorancë e as këtë marifet të tyre. Unë tek e fundit do ta përfundojë rrugën sepse unë po punojë për popull e jo për vota. Edhe me ligj është e paraparë që kur investon komuniteti komuna duhet ta përkrahë të paktën gjysmën e projektit. Unë s`kam nevojë, por po habitem se si Nagip Arifi asnjë cent mos ta japin, por bile me vizitue ka mundur fare lehtë sot. Ju zoti Arifi asnjë investim nuk e keni bërë deri më sot, atje në Suharnë s`ka as ujë, as rrymë, e tani po thuani se po gjallërohet Malësia. Kjo është demagogji e juaja fund e krye” shprehet Sevdail Haziri.

“Nagip Arifi dhe të tjerët si ai duhet ta kuptojnë se kjo rrugë është interes nacional sepse lidhë Kosovën, fillon nga Vranja e lidhet me Karaqevë dhe në fund edhe me Kosovë. Madje kjo rrugë ishte paraparë edhe si projekt që duhej të investohej nga qendra, por janë zhdukur të hollat e bashkë me këtë edhe projekti” thotë Haziri.

Nagip Arifi po më befason heshtja jote. “Unë të hollat i fitojë me djersë dhe me mundë, e me shumë sakrificë, por nuk është korrekte nga ana e juaj që atë fshat e ata banorë t`i leni në s`kamje e mjerim dhe t`i vizitoni vetëm kur ju duhen votat. Asnjë fshatar se keni ndihmuar, kanë mbetur njerëzit as me Gjilan as me Bujanoc, ndërsa unë i kam punësuar 45 punëtor vetëm prej Malësisë së Bujanocit. Mos i injoro njerëzit, mos i injoro fshatarët e shkretë sepse ata janë torturuar, janë maltretuar e rrahur disa herë nga regjimi serb” u shpreh Haziri./rajonipress/

Shpërndaje.
© RAJONIPRESS