Analisti amerikan Daniel Serwer për situatën e krijuar në veri të Kosovës i bën përgjegjës serbët radikalë të Kosovë, të cilët janë mbështetur drejtpërdrejtë nga Beogradi.
Sipas tij, deklaratat e fundit të president të porsazgjedhur serb, Tomislav Nikolic, i japin vulë këtij argumenti.
“fakti që Nikolic u deklarua kundër heqjes së barrikadave në veri nga trupat e KFOR-it, e bën atë përgjegjës direkt për situatën e krijuar dhe për këtë ai do të japë llogarinë Bruksel”, deklaron Serwer për “Express”.
“Nuk ka dyshim në mendjen time se ata që kanë gjuajtur mbi trupat e KFOR-it janë kriminelë dhe KFOR-i duhet t’i arrestojë.
Ju siguroj se Angela Merkel nuk do të jetë e gëzuar me faktin se ushtarët gjermanë janë plagosur atje. Kjo do të jetë çështje serioze për Berlinin. Kur Nikolic thotë ato që ka thënë, atëherë ai e ka bërë veten përgjegjës për ato që kanë ndodhur në veri.
Pra, duhet të presim se si do të reagojë Merkel dhe çka do t’i thotë Nikolicit”, ka thënë Serwer. /Telegrafi/
