Sërmaxhaj tentoj ta degradoj figurën historike të Ibrahim Rugovës

Gjilan- Drejtori i këtij institucioni edukativo arsimor, Nexhat Sermaxhaj, 100 Vjetorin e Pavarësisë së Shqipërisë e shënoi me largimin e fotografisë së ish presidentit Rugova nga ambientet e shkollës dhe me grushtim e fyerje të mësimdhënësit në këtë shkollë, Rabit Ademin thuhet në reagimin e degës së LDK-së.

Dega e LDK-së në Gjilan ka reaguar ndaj incidentit që ndodhi në mes të Nexhat Sërmaxhajt ish drejtor i shkollës fillore “Thimi Mitko” dhe arsimtarit Rabit Ademi, ku pasoj edhe suspendimi të dyve nga ana e drejtorisë së arsimit.

LDK e ka gjykuar veprimin e Sërmaxhajt. “Derisa anembanë trojeve shqiptare po shënojmë këtë festë, nga më të rëndësishmet dhe më historike të kombit tonë, me manifestime të ndryshme kulturore e politike, simpoziume, ekspozitash arti e botime veprash që janë të lidhura më ketë shekull dhe personalitete të shquara kombëtare që sakrifikuan për këtë ditë, zoti Sermaxhaj me veprimet e tij baltosi shkollën, e cila mbanë emrin e rilindësit dhe patriotit të shquar, “Thimi Mitkos” dhe përpiqet të degradojë figurën më të shquar të fundshekullit XX, ish presidentit dr. Ibrahim Rugova” thuhet në reagim.

Në reagimin e degës së LDK-së thuhet se me heqjen e fotografisë se këtij kolosi dhe kësaj figure të njohur botërisht për filozofinë e shtet formimit të Republikës së Kosovës, zoti Sermaxhaj ka dëshmuar dhe vërtetuar se asnjëherë nuk e ka njohur dhe dashur shtetin e Kosovës dhe institucionet e dala po nga ky popull, fëmijët e të cilëve ”i edukon”. Një drejtor i këtillë, që në shpirt ka urrejtje ndaj personaliteteve kombëtare dhe mosmirënjohës i veprave të tyre, nuk meriton dhe nuk duhet te jetë i shpërblyer.

Nga deklarata e mësimdhënësit në këtë shkollë, zotit Rabit Ademit, mësojmë se Sermaxhaj e ka hequr fotografinë e ish presidentit Rugova nga vendi ku ajo ka qenë e vendosur prej kohesh me arsyetim se ai qenka njeriu që vendosë për këtë punë dhe se derisa ky të jetë drejtor, kjo fotografi nuk do të lejohet në ambientet e shkollës.

Reagimet e Rabit Ademit ndaj këtij veprimi të shëmtuar të drejtorit të shkollës, i kushtoi jo vetëm me goditje grushti në fytyrë , por edhe largim të përkohshëm nga procesi mësimor.

Dëshirojmë që zoti Sermaxhaj të mos bëjë përpjekje që fotografinë e ish presidentit Rugova ta largojë edhe nga Kuvendi i Kosovës ku është e vendosur kjo foto e këtij burri të njohur botërisht.

Ky pushet dëshmon se filloj me dhunë edhe nëpër shkolla ndaj kuadrove që me vite të tëra janë punëtorë arsimor, e edhe udhëheqës të shkollave thuhet në reagimin e degës së LDK-së./rajonipress/